Fundación Roberto Rivas
Dende a Fundación Roberto Rivas seguése mantendo un compromiso firme co desenvolvemento sostible das áreas rurais de Galicia, co obxectivo de combater a despoboación nas comarcas rurais do interior de Galicia.
No seu labor, destácase o apoio ao emprendemento social e innovador e, coma proba disto, este ano supuxeron un avance importante nesta misión, unha serie de accións que marcaron a diferenza na xeración e o apoio á creación de oportunidades económicas e sociais para o fortalecemento das comunidades rurais.
Póñense de relevo dúas acción especialmente importantes como son a colaboración co Concello de Silleda para mellorar o desenvolvemento económico e social da zona e a organización do I Foro de Emprendemento Rural.
O poder de traballar en equipo
Un dos grandes logros da Fundación en 2024 foi a sinatura dun convenio de colaboración co Concello de Silleda, cun obxectivo común: promover o desenvolvemento económico e social da zona. Este acordo, que terá unha vixencia de catro anos, contempla varias accións chave para mellorar a calidade de vida dos habitantes de Silleda e fomentar a creación de novas empresas.
A Fundación Roberto Rivas comprométese co Concello de Silleda para sumar forzas co obxectivo de mellorar espazos públicos e á promoción dunha mobilidade sostible, chaves para avanzar na implantación da Axenda 2030.
Entre as actuacións concretas, desenvolvidas durante este ano 2024 exemplos do traballo conxunto entre o Concello silledense e a Fundación para crear un modelo de desenvolvemento baseado na sostibilidade e na innovación, destacan:
- Ampliación do sistema de iluminación na contorna do santuario da Saleta e da igrexa parroquial de Ansemil, espazos históricos e patrimonio cultural vinculados á figura de Roberto Rivas. A iluminación mellorarase utilizando farois retirados do casco urbano, con iluminación led, promovendo a economía circular e a eficiencia enerxética.
- Dinamización do Viveiro de Empresas Área 33: poñendo en marcha un programa orientado ao fomento do emprendemento rural e á creación de novas empresas, a través do Viveiro Municipal de Empresas. A Fundación Roberto Rivas achega recursos técnicos e persoais para dinamizar este espazo, polo que se fai extensivo o convite para coñecer as vantaxes que ofrece a todos aqueles que poidan estar interesados en instalar a súa iniciativa.
- Colaboración no fomento da mobilidade sostible e mellorar a calidade de vida da veciñanza.
Acción local para un impacto global
En paralelo, neste 2024, na Fundación Roberto Rivas traballou na organización do
I Foro de Emprendemento Rural, converténdose no punto de encontro do Emprendemento rural innovador de ámbito estatal. Celebrado co apoio do programa Next Generation EU e o Ministerio de Industria e Turismo a través da EOI, o Foro reuniu a emprendedores, entidades públicas e privadas, así como a actores chave do ecosistema rural. Este evento proporcionou un espazo de información, reflexión e formación, e destacou Galicia como un referente en innovación rural.
Entre as actividades destacadas do Foro estivo a entrega dos Premios ao Emprego Rural Innovador 2024, que recoñeceu as mellores iniciativas en termos de innovación, sostenibilidade e impacto social nas zonas rurais.
Propósitos de ano novo
“Seguimos a traballar en promover o emprendemento rural, a sostibilidade, a inclusión social, a educación e fomación en torno á cultura emprendedora, a interconexión e a revitalización das comarcas rurais, co obxectivo de mellorar a calidade de vida das persoas e das comunidades locais, fomentando un desenvolvemento integral, equitativo e sostible” afirma Olga Rivas, Directora da Fundación.